Mercedes ka zbuluar bolidin e ri për sezonin 2019, bolid me të cilin synojnë të dominojnë edhe në këtë sezon. Shefi i skuadrës, Toto Wolff, ka thënë se aerodinamika e bolidit të ri, do të thotë se presioni për të qëndruar në majet e Formula 1 është më i madh. “Sezoni 2019 do të jetë një sfidë e re për të gjithë ne. Rregullat kanë ndryshuar, ne duhet të fillojmë përsëri nga fillimi, që të dëshmojmë vetën ndaj kundërshtarëve tonë. Ne fillojmë sezonin me zero pikë dhe nuk kemi asgjë të garantuar”, ka deklaruar Wolff.