Pengoi Raikkonen në provat zyrtare, komisarët penalizojnë Hamilton - Bota Sot
Pengoi Raikkonen në provat zyrtare, komisarët penalizojnë Hamilton

Formula 1

Pengoi Raikkonen në provat zyrtare, komisarët penalizojnë Hamilton

Më: 29 qershor 2019 Në ora: 19:37
Lewis Hamilton

Komisarët e pistës së Spielberg, në Austri, kanë penalizuar me 3 pozicione në startin e garës pilotin britanik të Mercedes, Lewis Hamilton. Ai u klasifikua i dyti, pas Charles Leclerc (Ferrari), por kampioni i botës në fuqi do ta nisë garën nga vendi i pestë.

Gjatë provave zyrtare, britaniku ka bërë një manovër të gabuar, duke i zënë rrugën Kimi Raikkonen (Alfa Romeo), që në atë moment ishte në një xhiro të shpejtë (finlandezi u rendit i shtati). Për atë veprim të gabuar të Hamilton, që edhe doli edhe nga pista, Raikkonen reagoi duke i nxjerrë gishtin e mesit.

Ndërsa komisarët e pistës, pasi kanë parë pamjet televizive dhe kanë dëgjuar versionin e Hamilton, kanë vendosur ta penalizojnë me 3 pozicione pilotin e Mercedes në startin e garës (e diel, ora 15:10).

Nga ky penalitet i Hamilton përfiton Max Verstappen, që do ta nisë garën nga vendi i dytë (vija e parë e startit). Gjithashtu përfitojnë edhe Bottas e Magnussen, që tashmë ndodhen në vijën e dytë të startit të garës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...