Red Bulli ka vendosur rekord të ri për ndalesën më të shpejtë ndonjëherë në Grand Prixin e Britanisë fundjavën e kaluar, pasi Pierre Gasly ndaloi për vetëm 1.91 sekonda për të ndërruar gomat.
Gasly u fut në ndalesën e ekipit të tij duke e ditur se do të ketë nevojë për katër goma të reja.
Si shofer ju do të prisnit që ndalesa të zgjasë disa sekonda të paktën derisa ekipi mekanik të punojë.
Por, madje para se të hapte e mbyllte sytë, ngasësi mori dritën e gjelbër për largim pasi mekanikët e Red Bullit bënë një punë precize duke i larguar gomat që ishin dhe duke i zëvendësuar me katër goma të reja.
NEW WORLD RECORD! ? Gone in 1.91 seconds, officially the fastest pit stop on the planet! ? #givesyouwings pic.twitter.com/eNf0y5MIJz
— Aston Martin Red Bull Racing (@redbullracing) July 16, 2019
Ndalesa në pyetje ndodhi në rrotullimin e 13-të në Silverstrone kur ai u fut në rrugën e ndalesës dhe disa momente më vonë, u lejua të largohet për t’iu bashkuar garës duke vendosur rekord të ri në proces.
