Nis revolucionin

Formula 1

Nis revolucionin

Më: 23 korrik 2020 Në ora: 14:19
Nis revolucionin

Ashtu sikurse pritej, te Ferrari kanë nisur manovrat e mëdha për ta rikthyer këtë makinë fituese në Formula 1. Dështimi i këtij fillim-sezoni, aq sa në garën e fundit në Hungari makinat “kokëkuqe” u klasifikuan një xhiro pas Hamilton, ka sjellë edhe ndryshimet e para në skuadër.

Është krijuar një sektori i ri, ai i zhvillimit dhe paraqitjes, që do të drejtohet nga Enrico Cardinale, që ishte shefi i aerodinamikës dhe i projektit. Një spostim ky brenda skuadrës për Cardinale, që do të mbulojë një rol të ri, ashtu sikurse edhe David Sanchez, që gjithashtu pëson një lëvizje paralele.

Enrico Gualtieri do të qëndrojë në krye të sektorit të “power unit”, ndërsa Simone Resta do të mbulojë sërish sektorin e inxhinierisë dhe telajos. Së fundi, Laurent Mekies do të jetë drejtori sportiv dhe përgjegjësi i aktivitetit në pistë.

“Secili do të marrë përsipër përgjegjësitë e tij. Puna do të delegohet dhe kështu do të arrijmë rezultatet e dëshiruara. Këto ndryshime ishin të nevojshme për t’i dhënë një ritëm tjetër zhvillimit të makinës. “, u shpreh shefi i Ferrarit, Mattia Binotto.

Shfaq komentet
comments powered by Disqus
Sot mund të lexoni Shfletoni kopertinat