Schumacher zbulon objektivin për sezonin e ri

Formula 1

Schumacher zbulon objektivin për sezonin e ri

Më: 4 janar 2021 Në ora: 21:07
Mick Schumacher

Mick Schumacher do të debutojë këtë vit në Formula 1 me makinën amerikane Haas, e cila vjet nuk ka qenë shumë kompetitive në pistë.

Njëvendëshja amerikane, që përdor motorin Ferrari, ka patur shumë problem, që pritet ta pasojnë edhe këtë vit.

Ndaj Mick, djali i Michael Schumacher, nuk pret shumë nga debutimi i tij në Formula 1.

“Nëse arrijmë të shkojmë në sesionin e dytë të provave zyrtare (Q2) do të ishte një fitore e madhe për ne. Pra, të jemi brenda 15 makinave të para në startin e garës. Ky është objektivi im dhe i skuadrës për sezonin e ri”, tha Mick Schumacher.

“Nuk dua të vendos si objektiv të pamundurën, të kërkoj gjëra të vështira për t’u arritur. Objektivi më i madh është përmirësimi im si pilot dhe të ndihmoj në zhvillimin e makinës. Mendoj se jam gati për këtë sezon të parë në Formula 1, jam përgatitur ashtu si duhet”, tha Schumacher.

Shfaq komentet
comments powered by Disqus
Sot mund të lexoni Shfletoni kopertinat