Bottas akuza skuadrës: Vonesa në “pit stop” më hoqi mundësinë e fitores!
Valtteri Bottas e nisi garën e Bahrein në vendin e tretë dhe e mbylli atë po në këtë pozicion.
Piloti finlandez i Mercedes bëri një garë “normale”, pa shumë emocione. Gjithsesi, ai hedh disa akuza karshi mekanikëve, që gabuan gjatë ndalesës për ndërrimin e gomave, duke e vonuar atë.
“Humba shumë kohë në “pit stop”.
Pa këtë problem do të isha pranë Lewis e Max për të dueluar për fitore. Ritmet e makinave tona ishin të ngjashme, por kur humbet 10 sekonda në një ndalesë të tillë e di se nuk ke më asnjë shans të rikuperosh disavantazhin”, tha Bottas.
