Aksidenti që Valtteri Bottas pati në garën e Imola, kur u përplas me George Russell, pritet të ketë pasoja te makina gjermane.
Sipas drejtorit sportiv Toto Wolff, njëvendëshja e Bottas është kthyer në rrangallë. “Ishte një aksident i fortë, një përplasje e fortë. Makina është kthyer në një grumbull hekurishtesh”, tha Wolff.
“Në një sport si Formula 1 ku tashmë ka një limit në lidhje me kostot, ky aksident nuk na duhej, pasi do të detyrohemi të përdorim fondet tona për një makinë të re.
Kjo do të na detyrojë të limitojmë fondet për përmirësimet që do të përdornim përgjatë sezonit, që tashmë nuk jemi më në gjendje t’i bëjmë”, tha më tej Wolff.
