Leutrim Rexhepi fitues i garës në Prizren

Formula 1

Leutrim Rexhepi fitues i garës në Prizren

Më: 6 qershor 2021 Në ora: 21:32
Leutrim Rexhepi fitues i garës në Prizren

Leutrim Rexhepi është fitues i garës së parë në disiplinën e auto sllallomit në kuadër të Kampionatit të Kosovës në automobilizëm.

Anëtari i AK Ferizaj me Golf 3 GTI deri te fitorja arriti me kohën 03:46.213 minuta (dy vozitje asnjë penallti), duke dëshmuar se është ndër garuesit më të mirë në këtë disiplinë.

Në pozitën e dytë, me vonesë prej 02.715 sekonda u rendit Fatos Krasniqi i Prizreni D&G me Opel Corsa, ndërsa pozita e tretë i takoi Pajtim Qupevës me Audi A3. Anëtari i Eurogoma RT pati kohë prej 03.52 199 minuta.

Në konkurrencën ekipore, në pozitën e parë u rendit Prizreni D&G, pozita e dytë i takoi Ferizajt ndërsa e treta ishte Prishtina RT.

Kampionati i Kosovës në automobilizëm vazhdon në fundjavën e ardhshme, me garën e disiplinës malore, e cila mbahet në Grashticë.

commentFirst article
Sot mund të lexoni Shfletoni kopertinat