Borussia Dortmund ka marrë një fitore të rëndësishme 2-1 ndaj Borussia Monchengladbachit në kuadër të xhiros së 17-të në Bundesligë të premten në “Signal Iduna park”.
Me këtë fitore Dortmundi mbetet në krye të renditjes me 42 pikë, nëntë më shumë se Monchengladbach në pozitën e dytë, ndërsa Bayerni ka pikë të njëjta me Monchengladbachin, mirëpo luan nesër ndaj Eintracht Frankfurtit.
Dortmundi pësoi humbje në javën e kaluar nga Fortune Dusseldorf, mirëpo sot mori fitore në shtëpi.
Jadon Sancho shënoi golin e parë në minutën e 42’, kurse tre minuta më vonë Christoph Kramer barazoi rezultatin në 1-1 dhe skuadrat shkuan në pushim 15-minutësh.
Marco Reus e dërgoi skuadrën e tij përsëri në epërsi për 2-1 në minutën e 54’, që ishte edhe rezultati final.
Në ndeshjen e ardhshme Dortmund luan si mysafir ndaj RB Leipzigit, kurse Monchengladbach e pret në shtëpi Magdeburgin në një ndeshje miqësore.