Sulmuesi italian Giueseooe Rossi është në kontakte me Fiorentinën për t’u rikthyer në ish-klubin e tij.
31-vjeçari aktualisht është pa kontratë pas largimit nga Genoas, mirëpo është rikuperuar nga lëndimet e shumta në gju.
“Rossi ka lënë zemrën e tij në Florence dhe me shumë dëshirë do të kthehej”, ka thënë agjenti i Rossit, Pastorello.
“Ne jemi në kontakte me klubin. Ai ende ndihet si një top lojtar dhe Fiorentina do të ishte një ëndërr për të”.
Rossi ishte pjesë e Fiorentinës nga viti 2013 deri më 2016, duke shënuar 19 gola dhe duke bërë tetë asistime në 42 paraqitje.