‘Mediaset’ ka bërë një raportim tejet kontrovers këto ditë.
Mediumi italian, ‘Mediaset’ ka raportuar se drejtor gjeneral i Juventusit është Jorge Mendes.
Gazetari i këtij mediumi, Maurizio Pistocchi, raporton në mënyrë ironike se agjenti portugez është duke menaxhuar me ‘Zonjën e Vjetër’.
Gazetari ka publikuar një foto duke komentuar foton e transferimit të Cristiano Ronaldos te Juventus.
“Nga e majta, ish-drejtori i Juventusit, Beppe Marotta, Andrea Agnelli, CR7, Fabio Paratici, deri te drejtori gjeneral i Juventus, Jorge Mendes”, ka shkruar Pistocchi.
Por, në të vërtetë, Fabio Paratici është drejtor gjeneral i skuadrës torinasëve, pas largimit të Beppe Marottas në drejtim të Interit.