Mbrojtësi i Napolit, Kalidou Koulibaly, ka lëshuar një mesazh pas abuzimeve raciste nga fansat e Interit në ndeshjen e mbrëmshme, të cilën e fitoi Inter në momentet e fundit me rezultatin 1-0 në “San Siro”.
Ka pasur momente kah fundi i ndeshjes kur Koulibaly ka dëgjuar thirrje raciste në drejtim të tij nga fansat e Interit.
Koulibaly u ndëshkua me karton të kuq, pasi në mënyrë ironie ka duartrokitur gjyqtarin.
“Jam i zhgënjyer nga humbja, por mbi të gjitha që i lash të vetëm vëllezërit e mi”, ka shkruar Koulibaly në Twitter.
“Mirëpo unë jam krenar i lëkurës time. Krenar që jam francez, senegalez, napolitan dhe njeri”.