Trajneri i Juventus, Massimiliano Allegri, ka folur për fitoren e marrë nga skuadra e tij kundër Sampdoria-s.
Shifra të jashtëzakonshme, 101 në 2018-ën dhe 53 në fazën e parë. Sa mungojnë akoma?
"37 mendoj. Ishte e rëndësishme që ta mbyllnim mirë, nuk ishte e lehtë. Kemi patur raste kundër një Sampdoria që ka luajtur mirë, fatmirësisht goli i tyre ishte në pozicion jashtë loje".
- Si e gjykoni VAR-in?
"Është e drejtë të përdoret kur mendojnë se duhet. Valeri ka bërë një punë të mirë, ka patur nevojë për mbështetjen e teknologjisë. Ka qenë një ndeshje e bukur, por kemi gabuar në një moment të ndeshjes, duke u tërhequr pak".
- Çfarë të ka pëlqyer dhe ku duhet të përmirësoheni?
"Në momente të caktuara të ndeshjeve. Në Bergamo kemi luajtur mirë me 10 lojtarë, sot më pak. Në fund po fitonim 2-1, mjaftonte të mbanin topin dhe të mos bënim asnjë sforcim".
- A e prisnit një Ronaldo në këtë formë?
"Është më i miri në botë".
- Çfarë do të bëje po të ishe një kundërshtar i Juventus, do të dorëzoheshe apo do të luftoje?
"Të dytën. Sampdoria ka luftuar për të marrë një pikë, pavarësisht se ne nuk i kemi lënë shumë hapësira".
- Çfarë kërkon nga 2019-a? Champions-in?
"Me Ronaldo-n ka ndryshuar perceptimi. Duhet të jemi në formë dhe të luajmë mirë në çdo kompeticion".
