Ballkani nga Theranda paralajmëron pranverë të nxehtë, sidomos në luftë për mbijetesë në elitën e futbollit të Kosovës. Me dy përforcimet që ka bërë, tregon se e ka ndërmend të luftojë edhe për mesin e tabelës. Tarik Cmajcanin ka luajtur në Novi Pazar dhe Sinqeliq të Nishit.
“Dy futbollistët, Visar Sahiti dhe Tarik Cmajcanin, janë dy përforcimet që do të bartin fanellën e skuadrës sonë në edicionin pranveror.
Visar Sahiti është mesfushor dhe mund te luaj edhe ne repartin sulmues. Visari me parë ka qenë pjesë e KEK-ut, ndërsa së fundi ishte pjesë e FC Vushtrrisë.
Tarik Cmajcanin është shtetas boshnjak, 24 -vjeçar dhe luan në pozitën e mesfushorit. Tarik Cmajcanin me parë ka luajtur në Serbi, Armeni, Singapor dhe Shqipëri. Ne i urojme mirëseardhje në skuadër, duke i uruar shëndet, fat dhe angazhim maksimal”, bëhet e ditur nga Ballkani, skuadër që përfundoi në pozitën e nëntë me 21 pikë.