Trajneri i Manchester Cityt është shprehur i lumtur me fitoren e mbrëmshme të skuadrës së tij.
I lumtur për fitoren në sfidën ndaj Liverpoolit, Pep Guardiola nuk i kurseu lëvdatat për Sergio Agueron autorin e golit të parë ndaj The Reds.
Një vit më parë ish trajneri i Bayernit nuk e donte në skuadër argjentinasin dhe Aguero ishte gati të largohej por tashmë gjërat kanë ndryshuar për mirë me 30-vjeçarin që është zgjedhja e parë e Guardiolës në sulmin e Citiziens.
“Kemi shumë nevojë për Sergio Agueron në këto ndeshje, cilësia e tij bën dallimin”, tha Pep. “Ai e ka bërë këtë gjatë gjithë karrierës së tij dhe ai finalizim ishte i mrekullueshëm”. “Liverpool pëson pak gola, por ne arritëm të shënonim dy herë. Nëse do të kishim humbur, do të kishte qenë shumë e vështirë. Por tani jemi katër pikë larg tyre dhe ata janë kryesuesit. Duhet të luftojmë shumë, por kjo fitore na jep shumë besim”, ka përfunduar Guardiola.