Emrat e mëdhenj kurrë nuk harrohen. Emrat që dhanë shumë për sportin, e sidomos në kohën e okupimit, në kohën e represionit nga Serbia shoveniste. Rexhep Abdullahu (kryetar) ka drejtuar Federatën e Futbollit të Kosovës, në kohërat më të vështira (1993-2000), ndërsa Hafiz Gashi, ish hendbollist e volejbollist, kryetari i Lidhjes së Sporteve të Komunës se Gjilanit dhe kontribuoi shumë për futbollin gjatë kohës më të rëndë (të okupimit), duke e sfiduar Serbinë okupatore, pastaj Skënder Rogova, në vitet 1996-1999 ishte edhe sekretar teknik i FFK-së, kurse nga viti 1995 ishte sekretar i përgjithshëm në FHK deri në vitin 2001.
Arsim Fehmiu, veprimtar i shquar sportiv, një kohë edhe trajner i Normalistit të Prishtinës, dha shumë në kohën e viteve 90-ta. Përveç Arsim Fehmiut që është gjallë, Abdullahu, Rogova e Gashi nuk janë në mesin tonë, burra që dhanë shumë në aspektin kombëtar e sportiv.