Alvaro Morata po kalon një periudhë të vështirë te Chelseaaq sa Sarri e ka lënë në stol spanjollin. Por Morata tashmë duhet të përbalet dhe me presione që vijnë vet nga drejtuesit e klubit lodinez.
Spanjolli ka shënuar vetëm pesë gola në këtë fazë të Premier Ligës, teksa është aluduar për një kalim të mundshëm drejt Milanit dhe Sevillas.
"Duhet të jetë motivuese. Je duke luajtur në Chelsea, nuk je në Southampton ose Brighton, me gjithë respektin për këto dy klube", ka deklaruar asistenti i Maurizio Sarrit, Zola.
"Njerëzit presin shumë nga numri nëntë në Chelsea. Ata presin gola dhe paraqitje të mira. Kjo është normale, ai duhet të mësohet me këtë".
"Nëse shkon tek ndonjë klub tjetër i madh do të jetë e njëjta gjë, nuk mundesh t’iu largohesh përgjegjësive tua në asnjë mënyrë".
