Fusha e futbollit në fshatin Llukar, në periferi të kryeqytetit të Kosovës, Prishtinë, ka qenë simbol i zhvillimit të ndeshjeve të mëdha në kohën e okupimit, kur Kosova ishte e pushtuar nga Serbia shoveniste. Ish futbollisti i mirënjohur, Bardhec Seferi, ka luajtur me sukses të madh në fanellën e Trepçës nga Mitrovica, por një periudhë edhe në KF Dukagjinin e Klinës, ose siç njihet prej mbrojtësve më të mirë që ka Kosova, kujton vitin e 1994 në Llukar. Llukar ore Llukar, kështu thonë shumë herë dashamirët e sportit, duke kujtuar ndeshjet e shumta, veçmas kur luante Prishtina si vendase, Shkëndija e Llukarit, Dardania e Llukarit.
Pamje nga ajo finale
Një foto e vitit 1994, kur u luajt një ndeshje në Llukar mes Flamurtarit të Prishtinës dhe Dukagjinit të Klinës, “flamurtarët” fituan. Një ndeshje e madhe por edhe e rrezikut të madh, sepse të gjithë ishin të rrezikuar në çdo moment, se milicia serbe kur e kuptonte se po luhej loja shkonte e ndërpriste ndeshjen dhe kë e arrestonte e merrte në bisedë informative, duke ushtruar dhunë të paparë.