Njëri nga futbollistët më të mirë të të gjitha kohëve, Diego Armando Maradona është duke u shëruar në spital, pas operacionit që iu nënshtrua.
Maradona u operua për shkak të gjakderdhjes së brendshme, me të cilën u diagnostifikua gjatë një kontrolli rutinor në muajin e kaluar.
“Falë Zotit, gjithçka kaloi shkëlqyeshëm”, ka thënë Mathias Morla, avokat i Maradonës.
Ai ka shtuar se pas rehabilitimit të nevojshëm, Maradona do të kthehet në Meksikë për të vazhduar punën e tij si trajner i skuadrës Dorados.
