Chelsea ka arritur marrëveshje me Juventusin për ta transferuar në formë huazimi deri në fund të këtij sezoni sulmuesin Gonzalo Higuain, raporton Sky Italia.
Mësohet se huazimi mund të vazhdohet edhe për 12 muaj të tjerë me disa kushte.
Higuaini është i huazuar te Milani deri në fund të këtij sezoni, me opsionin që “Rossonerët” ta blejnë atë.
Trajneri i Chelseat, Maurizio Sarri dëshiron që ta sjellë sulmuesin argjentinas në Stamford Bridge, përkundër shqetësimeve nga bordi i klubit.