Sulmuesi francez është duke kaluar në një formë të jashtëzakonshme te Barcelona.
Barcelona mbrëmë mori një fitore të vështirë ndaj Leganes, me rezultatin 3-1. Por përveç këtij fakti, skuadra mori dhe një lajm të keq pasi, Ousmane Dembele doli nga fusha i lënduar.
Në fillim lëndimi i tij u duk i rëndë, por testet e bëra nga mjekët sot është vërtetuar që nuk është i tillë.
Sipas asaj që raportohet në mediet spanjolle, francezi do të mungojë vetëm 15 ditë. Ai do të humbasë të dyja ndeshjet e Kupës së Mbretit me Sevillan, si dhe dy ndeshjet në La Liga me Gironën dhe Valencian.
Kësisoj, Dembele pritet të kthehet më 10 shkurt, datë në të cilën katalanasit do të ndeshen me Athletic Bilbaon.
Një mungesë e rëndësishme kjo për skuadrën e drejtuar nga Ernesto Valverde.
