Trajneri argjentinas nuk e ka ndërmend të largohet nga madrilenët.
Diego Simeone është i lumtur te Atletico Madrid dhe është gati të rinovojë kontratën me Los Colchoneros.
Lajmin e ka konfirmuar gazeta AS, që raporton se si përfaqësuesit e trajnerit argjentinas, kanë arritur një marrëveshje me drejtuesit e klubit të Atletico Madrid, për një rinovim, që do ta zgjaste kontratën mes palëve edhe për një vit tjetër.
Kështu, skadimi i kontratës, i parashikuar të ndodhte në vitin 2020, tashmë do të ndodhë një vit më pas, në 2021. I njëjti burim informacioni zbulon edhe detajin që ndikoi fuqishëm në këtë marrëveshje rinovimi.
Sipas AS, është pikërisht blerja e Alvaro Moratas nga ana e Atletico Madrid faktori që ndikoi në rinovimin e Simeones.
Tashmë tek klubi madrilen po presin fillimin e muajit shkurt, për të njoftuar zyrtarisht rinovimin e kontratës.
