Në Spanjë po flitet gjithnjë e më shumë për largimin e Marcelos nga Reali i Madridit, me destinacion Torinon.
Madje, mediat spanjolle raportojnë se braziliani i ka kërkuar vetë presidentit Florentino Perez që ta lërë të largohet në verë, nëse Juventusi e kërkon.
“Nëse ata (Juventus) bëjnë një ofertë për mua, më lejoni që të shkoj”, u ka thënë Marcelo drejtuesve të Realit.
Mirëpo së fundmi ka lindur ideja e shkëmbimit. Nëse braziliani do të transferohet te Juventusi, atëherë në Madrid mund të shkojë Alex Sandro.
Të dy klubet kanë marrëdhënie të mira, ndaj edhe ky shkëmbim mund të ndodhë.