Fati i Paul Pogba është në La Liga. Për ta mbështetur këtë ide nuk flet ndonjë ekspert në merkaton e transferimeve, por vëllai i tij më i madh, Florentin, i cili është i gatshëm të debutojë me fanellën e Elche.
"Nëse vëllai im largohet nga Manchester United, ai mund të shkojë vetëm në tri skuadra për t’u përmirësuar: Manchester City, Real Madridi, ose Barça, - shpjegoi ai për “As”.
- Te Manchester City nuk do të shkojë, kështu që mbeten në lojë dy skuadra në Spanjë: Barça dhe Real Madridi. Paul përsëri i lumtur? Çelësi ishte largimi i Mourinhos. Ai nuk ishte i lumtur dhe ish-trajnerin dhe kjo dukej qartë. Tani, ardhja e Solskjaer ka përmirësuar gjithçka".
Meqë ka pasur ndryshim në stolin drejtues të “Djajve të Kuq”, ish-lojtari i Juventusit ka pësuar një metamorfozë. Në serinë e 6 fitoreve radhazi në Premier League, Paul Pogba ka shënuar 5 gola dhe ka dhënë 4 asiste për shokët, duke luajtur gjithmonë nga 90 minuta.
