Ditëve të fundit është raportuar se Alvaro Morata është afër transferimit në Atletico Madrid.
Dje ishte pritur që lojtari të zyrtarizonte kalimin e tij, mirëpo situata ngeci pas “krizës” tek skuadra e Monacos, të cilët ishin të përfshirë në huazimin e Gelson Martins.
Mirëpo, sot ka ndodhur edhe një ngjarje tjetër që pritet ta pengoj edhe më shumë transferimin e sulmuesit spanjoll nga skuadra e Madridit.
Tifozët e Atletico Madrid në kor kanë thirrur kundër transferimit të lojtari në skuadrën e tyre të zemrës.
“Më pak Morata, më shumë Borja Garces” ishin thirrjet e tifozëve, shkruan “Marca”.
Chelsea në anën tjetër kanë siguruar shërbimet e Gonzalo Higuain, i cili shihet si zëvendësues i Alvaro Moratas.
Mbetet të shihet se si do të përfundoj “drama” Morata – Atletico.