Sot stadiumi i Lirisë në Prizren e mbanë emrin e Përparim Thaçit, futbollisti që u vra në vitet e 90-ta nga milicia kriminale e Serbisë. Sinan Osmani me Lirinë kishte fituar titullin e kampionit me Lirinë në vitin 1994-95, por ndihet shumë i pikëlluar për Përparimin që u vra nga pushtuesi serb.
Përparim Thaçi, dëshmori i lirisë
“Dëshmori Përparim Thaçi, ish futbollist i KF Liria i cili sakrifikoi jetën e tij, rininë e tij, i la prindërit të përlotur, la vëllaun, motrat, shokët dhe bashkëlojtarët e vet e të gjitha që sot rinia dhe të gjithë ne të luajmë dhe veprojmë të lirë. Mburrem që të pata ndër futbollistët më të mirë dhe ma të disiplinuar”, ka shkruar Osmani.