Sulmuesi brazilian ka shprehur dëshirën të luajë përkrah bashkëkombësit të tij.
Vinicus Junior nuk e fsheh faktin që Neymar është lojtari që ai pëlqen më shumë në futboll dhe ëndërron të luajë përkrah tij.
Talenti brazilian theksoi se Neymar është një idhull për të, të cilin e ka përcjellur qysh nga fëmijëria.
“Dua të luaj përkrah Neymarit, ai është një idhull për mua”, ka deklaruar Vincius.
“I kam përcjellur ndeshjet e tij që nga fëmijëria, kur ai luante me Santosin”.
“E admiroj shumë dhe ai e di një gjë të tillë”, ka deklaruar talenti i Real Madridit.
Në një formë kjo është edhe një ftesë që Vinicus ia bën Neymarit për t’iu bashkuar Real Madridit.
