Lionel Messi po mban në ankth tifozët e skuadrës së Barcelonës.
Messi ka shkëlqyer sot në ndeshjen kundër Valencias duke realizuar dy gola për t’i siguruar një pikë skuadrës së tij, në barazimin 2:2 me Valencian.
Por, argjentinasi qëndroi rreth 3 minuta jashtë fushës së blertë, pasi pësoi një dëmtim të lehtë, por që u konsiderua i vogël për ta ndërprerë lojën.
Tash, lëndimi i Messi po del të jetë shqetësues për lojtarin, trajnerin e tifozët e skuadrës katalane.
Gazetari Rik Sharma shkruan se Messi ka një problem muskulor i cili mund ta lë atë jashtë fushës për ndeshjen e së mërkurës kundër Real Madrid, në Kupën e Mbretit.
Ende nuk ka asnjë raportim zyrtar nga skuadra. Trajneri, lojtari dhe tifozët po e presin në ankth lajmin nga stafi mjekësor.