Cristiano Ronaldo ishte i kënaqur me dygolëshin e tij, por jo edhe me rezultatin në barazimin e Juventusit 3-3 me Parmën të shtunën në Serie A.
Superylli i Juventusit Cristiano Ronaldo u shfaq i pakënaqur me barazimin e skuadrës së tij 3-3 kundër Parmës të shtunën në “Allianz Stadium”, duke thënë se ia mundësuan vizitorëve të riktheheshin në lojë.
Falë dy golave nga Ronaldo, Juventusi krijoi epërsinë prej 3-1, por dy gola të vonshëm nga Gervinho ia siguruan Parmës rikthimin dhe marrjen e një pike në udhëtim në Torino.
Derisa portugezi ishte i lumtur për golat e tij, atij nuk i pëlqeu aspak rezultati përfundimtar i ndeshjes.
“Jam i lumtur për golat por jo edhe me rezultatin. Por, ky është futbolli”, tha 33-vjeçari.
“Ne u tërhoqëm shumë prapa në minutat përfundimtare dhe Parma i shfrytëzoi gabimet tona”, shtoi Cristiano.