Thibaut Courtois shkaktoi një situatë tejet kontraverze verën e kaluar, kur ai u rebelua kundër ish-klubit të tij, Chelseat.
Portieri kishte qenë i lidhur me një largim nga “Stamford Bridge”, derisa Real Madridi ishte klubi që interesohej më së shumti për të.
Eventualisht ai u transferua te “mbretërit”, por mënyra se si e bëri këtë, la një shije të hidhur te fansat e Chelseat.
Me anë të disa veprimeve jo profesionale, ai nuk tregoi aspak besnikëri, duke u munduar të bëjë presion për largim.
Mirëpo, në një intervistë së fundmi, belgu është munduar të justifikojë veprimet e tij, duke thënë se drejtoresha e Chelseat – Marina Granovskaia – i kishte premtuar se mund të largohej nga “Stamford Bridge”.
Ai sugjeroi se Granovskaia u tërhoq nga marrëveshje, dhe kjo nxiti rebelimin e tij.
Versioni i tij ka tërhequr vëmendjen e të gjithëve, përfshirë edhe klubin e Chelseat.
“Daily Telegraph” raporton se “Të Kaltërit” janë të “frustruar” me komentet e ish-portierit të tyre, dhe ata “fuqishëm demantojnë” këto sugjerime.
“Burimet brenda Chelseat refuzojnë fuqishëm komentet e Courtois, derisa lojtari do të marrë një pritje armiqësore nëse ndonjëherë rikthehet në ‘Stamford Bridge’ me Real Madridin,” shkruhet në raportin e tabloidit britanik.
