Eden Hazard duket gjithmonë e më pranë Real Madridit. Belgut i skadon kontrata në verën e vitit 2020 dhe sipas mediave angleze ai nuk do të rinovojë me “Blutë”.
Daily Telegraph, ka mbledhur të gjitha faktet dhe bëjnë me dije se e vetmja pistë për të ardhmen e Hazardit është Madridi.
Fakti i parë është që nuk do të rinovojë kontratën, e cila parashikon dhe një rritje rroge. Pra duket se për belgun, në këtë mes nuk kanë lidhje paratë, por karriera.
Fakti i dytë është që ai në deklaratat e tij është shprehur se: “Unë kam vendosur për të ardhmen time”.
Ndërsa i treti është se Maurizio Sarri, në një konferencë para mediave është shprehur se nëse ai do të largohet më mirë ta bëjë një gjë të tillë.
Blerja e Christian Pulisiçit nga Dortmundi për një shifër rreth 64 milionë euro, tregon që e ardhmja ka nisur të projektohet nga ekipi londinez.
Sipas këtyre fakteve që media britanike nxjerrë në pah, duket e sigurt që lojtari do të shkojë në Madrid.