Një zjarr në qendrën stërvitore të Flamengos vrau 10 persona, dhe lëndoi tre të tjerë, të premten në mëngjes.
Lajmin e ka konfimruar departamenti i zjarrit nga Rio de Janeiro. Zjarrfikësit u ftuan që të intervenonin në ora 5:00 të mëngjesit, në kohën kur një pjesë e madhe e qendrës stërvitore ishte djegur.
Raportohet se viktimat, të cilët ende nuk janë identifikuar, ishin nga mosha 14-17-vjeçare, dhe zjarri i kaploi derisa ishin duke fjetur, raporton insport. Një person është në rrezik serioz, dhe po trajtohet në spital.
Në këtë fazë, shkaktari i zjarrit nuk dihet, por postimet në rrjetet sociale nga mediet lokale, tregojnë për një katastrofë të vërtetë.
