PSG ka fituar në udhëtim te Manchester United me rezultat 2:0, duke bërë një hap shumë të madh drejt kalimit në rrethin e ardhshëm të Ligës së Kampionëve.
Sulmuesi skuadrës franceze, Kylian Mbappe, në një intervistë të dhënë për “Sky Sport” në përfundim të takimit, është shprehur i lumtur, por njëkohësisht ka theksuar se fitorja ishte shumë e vështirë.
“Ka shkuar gjithçka mirë dhe jemi të lumtur, por do të vazhdojmë të përgatitemi për të qenë në formën më të mirë të mundshme për ndeshjen e kthimit”, ka thënë Mbappe.
“Ndryshimet mes dy pjesëve të lojës? Sistemi i lojës që kemi përdorur ka qenë i ri, nuk kishim sulmues dhe na është dashur të përshtatemi edhe pse ishte shumë vështirë. Gjithsesi, jemi të kënaqur me dy golat”, ka shtuar ylli francez.