Talenti italian pëlqehet nga shumë klube të mëdha në Evropë.
Arsenali dhe trajneri i tyre, Unai Emery, vazhdojnë të ndjekin me interes Nicolo Barellan.
Gjatë takimit të fundjavës mes Milanit dhe Cagliarit, e luajtur në “San Siro”, vëzhgues të ekipit londinez ndoqën nga afër mesfushorin e Cagliarit.
Barella është një lojtar i cili ndiqet edhe nga shumë ekipe të tjera në Serie A, ndërsa Chelsea në janar bëri një ofertë për të, por që u refuzua nga vetë lojtari.
Barella shihet nga Emery si përforcimi ideal për mesfushën, ndërsa do të ishte një investim i rëndësishëm edhe për të ardhmen, duke parë moshën e talentit italian, i cili është 22-vjeçar.