“Situata e Ozil tek Arsenal po bëhet e turpshme”

Futboll

“Situata e Ozil tek Arsenal po bëhet e turpshme”

Më: 14 shkurt 2019 Në ora: 21:41
Mesut Ozil

Situata e Mesut Ozil tek Arsenal po i irriton të gjithë ata që e duan të mirën e Arsenal.

Ish mbrojtësi i Arsenal, Martin Keown ka lëshuar disa kritika për ish reprezentuesin gjerman, duke thënë se atij i mungon profesionalizmi.

Ozil ka startuar në vetëm një ndeshje gjatë vitit 2019, dhe për këtë, arsyeja thuhet të jetë një lëndim në shpinë dhe sëmundjet e shpeshta.

Por, këto arsye nuk janë aspak të sinqerta sipas ish mbrojtësit të ‘gunners’, Keown.

“Ai duhet të punojë që të kthehet në skuadër. Kjo është çfarë trajneri po kërkon nga ai” ka thënë Keown për “BT Sport”.

“Po bëhet e turpshme situata me Mesut Ozil. Gjithashtu pa Ramseyn në të ardhmen do të jetë shumë e vështirë” ka thënë ndër të tjerash ai.

Ozil po i mungon Arsenal edhe në ndeshjen që momentalisht po e luajnë kundër BATE Borisov.

Sot mund të lexoni Shfletoni kopertinat