Skuadra e Ballkanit nga Theranda arkëtoi tri pikë të mëdha në hapje të pjesës pranverore në elitën e futbollit të Kosovës. Kryetrajneri Sami Sermaxhaj është i lumtur pikët e plota që fituan në duel me Drenicën dhe i jep mundësi për të luftuar për mesin e tabelës.
Ballkani triumfoi me rezultat 2:0 para shikuesve të saj ndaj Drenicës nga Skenderaj, në ndeshjen e javës së 18-të.
Në minutën e 11-të, Blend Baftiu kaloi në epërsi skuadrën e tij, kurse Edvin Kuç i dha qetësi kur shënoi për 2:0 në minutën e 63-të. Ballkani ngjitet në vend të shtatë me 24 pikë, sa ka edhe Drenica një pozitë me lartë.
