Roma ka marrë pikët e plota në shtëpi, duke triumfuar 2-1 ndaj Bolognas në “Olimpico”
Champions League është objektivi numër një i Romës dhe për të arritur këtë, duhet të djersiten shumë dhe të luftojnë ndeshje pas ndeshjes, ashtu siç edhe po bëjnë.
Në ndeshjen e fundit të xhiros së 24 në Serie A, Roma arriti që t’i marrë pikët e plota për të qëndruar në hap me Milanin në luftën për një vend në Champions League.
Skuadra e Eusebio Di Francesco triumfo me dy gola në pjesën e dytë.
Fillimisht, ishte mbrojtësi i majtë, Aleksandar Kolarov, ai që realizoi për 1-0 nga pika e bardhë në minutën e 54’.
Për 2-0 shënoi mbrojtësi, Federico Fazio, në minutën e 73’.
Mysafirët arritën të shënojnë një gol përmes Sansones në minutën e 84’, duke i bërë edhe më të zjarrtë çastet e fundit të ndeshjes.
Pas kësaj fitore, Roma ka shkuar në kuotën e 41 pikëve, vetëm një më pak se Milani në zonën Champions, që është edhe objektivi kryesor për këtë sezon.