FC Bayern është impresionuar nga sezoni fantastik që po kalon talenti anglez Aaron Wan-Bissaka.
Aq shumë sa është gati t’i bëjë një ofertë Crystal Palace për mbrojtësin e djathtë.
Megjithatë, interesi për 21-vjeçarin është tepër i madh dhe do të duhen rreth 45 milionë euro për firmën e tij.
Konkurrenca për shërbimet e Wan-Bissaka është e madhe teksa edhe Manchester City me Chelsea-n kanë shfaqur interes.
Mbrojtësi ka qenë një nga zbulimet e këtij sezonit për skuadrën e Roy Hodgson. Ai konsiderohet si një lojtar me të ardhme të madhe.
Bayern është në gjueti të talenteve teksa po kërkon të rinovojë skuadrën, por edhe Manchester City është shumë i interesuar për lojtarin.
Lufta për firmën tij pritet të shpërthejë gjatë merkatos së verës.
