Chelsea është dënuar për dy afatet e ardhshme kalimtare, pasi theu rregullat e transferimeve të lojtarëve nën moshën 18-vjeçare.
Klubi gjithashtu është dënuar edhe me 628,000 euro gjobë nga organi më i lartë i futbollit në botë.
Pezullimi nuk përfshin largimet e lojtarëve dhe nuk do të praktikohet nga skuadra e femrave të klubit dhe nga ajo e futsallit.
Në komunikatë shkruhet: “Chelsea është gjetur fajtor në shkeljen e rregullit 18 të Rregullores në rastin e 29 lojtarëve të ri dhe ka bërë disa shkelje të tjera në regjistrimin e lojtarëve.
“Komiteti Diciplinor sanksionoi Chelsean me një pezullim për regjistrimin e lojtarëve në nivelin nacional dhe ndërkombëtar, për dy periudha rresht regjistruese.”
Pra, “Të Kaltërve” nuk do t’u lejohet që të transferojnë lojtarë në dy afatet e ardhshme kalimtare.