Sa i përket Ronaldos, pesë herë “Topi i Artë” ka pasur një rekord dinjitoz të golave me Juventusin, sidomos në Serie A, dhe duket se do ta përfundojë sezonin me titullin e Scudettos.
Sidoqoftë, “Zonja e Vjetër” nuk ka treguar paraqitje shumë të mira në Champions League.
Humbja 2-0 e së mërkurës kundër Atletico Madridit, në fazën e eleminimit direkt, nënkupton se Juve duhet të shënojë të paktën tre gola në përballjen e dytë.
Me Ronaldon në skuadër gjithçka është e mundur, por Atletico ka një prej mbrojtjeve më të mira në Evropë dhe jo shpesh pranon dy gola, e lëre më tre.
Arsyeja e Ronaldos për largim nga Reali raportohet se ishte për shkak se nuk ndjehej shumë i dashur dhe tani ish-presidenti i klubit, Ramon Calderon, ka treguar detaje tjera.
Calderon thotë se Ronaldo kërkoi pagë më të madhe pasi fitoi Champions Leaguen në maj, por presidenti aktual i Realit, Florentino Perez tha jo.
“Cristiano kërkoi ngritje page pasi fitoi Champions Leaguen, por Perezi refuzoi,” tha Calderon.
“Cristiano gjithashtu u frustrua pasi dëgjoi se Reali do të paguajë shumë para për Neymarin.
“Florentino i tha atij se nëse do të sillte një çek prej 100 milionë eurove, ai do ta lejonte largimin e tij, kështu shkuan gjërat.”
