Një sulm i rëndë ai i ish-futbollistit francez Christophe Dugarry ndaj Diego Simeone. Pas takimit të parë të Atletico Madrid ndaj Juventus, i vlefshëm për të tetat e finales së Champions League dhe i fituar nga spanjollët me rezultatin 2-0, ish-sulmuesi i Milan ka shënjestruar teknikun e Colchoneros.
Referuar raportimeve të medias spanjolle “AS”, Dugarry deklaroi: “Në pjesën e parë nuk kam parë asgjë të denjë për tu mbajtur shënim në aspektin tekatiko-teknik. Pashë vetëm që futbollistët e tij ulërisnin si të tërbuar ndaj arbitrit”.
“Diçka e turpshme. Kur kam parë më pas edhe festimin e Simeones për golin, u shtanga. Është vetëm futboll dhe jo luftë. Kjo është e tepërt. Atletico duket se është e detyruar të krijojë me çdo kusht një armik, një monstër”, vijoi francezi.