Mbrojtësi i Bayern Munich, Rafinha, ka shpërthyer pas një tjetër sfide pa u aktivizuar në Bundesliga.
Bayern mposhti Hertha 1-0 në shtëpi, por Rafinha nuk luajti as edhe një minutë të vetme, megjithëse Joshua Kimmich ishte një karton larg pezullimit dhe trajneri Niko Kovac i kishte premtuar se do ta aktivizonte për ndeshjen ndaj Liverpool, ku Kimmich është i pezulluar për kartona.
"Së fundmi trajneri nuk po më respekton,” shprehet Rafinha për Bild.
"Unë jap gjithçka në stërvitje. Është e vështirë të mbetem i motivuar. Stërvitem mirë, por nuk luaj.
"Ai po tregohet i padrejtë. Nuk e di pse. Unë gjithmonë jap 100%, por ai nuk ka besim tek unë. Nuk e di se çfarë mendon ai.
"Me Heynckes, Ancelotti dhe Guardiola-n, unë luaja. Mbase ata nuk ia kanë idenë futbollit, sepse me ta luaja gjithmonë.
"Nuk e di arsyen. Trajneri e di që unë do të largohem në fund të sezonit, mbase kjo është arsyeja."
