Grasshoppersi si mysafirë barazoi me rezultat 1:1 me Thunin, në ndeshjen e javës së 22-të të Kampionatit të Zvicrës. Mbrojtësi Arlind Ajeti është më i merituari për pikën që fitoi Grasshoppersi. Ajeti shënoi në minutën e 19-të, kurse për Thunin realizoi Stillhart (13'). Duhet theksuar se vendasit shpërdoruan një penallti, kur Sorgic u tregua i pasaktë. Arlind Ajeti dhe Gjelbërim Taipi u paraqitën të plotë për Grasshoppersin. Benjamin Kololli, Hekuran Kryeziu luajtën nga minuta e parë e Toni Domgjoni nga ajo 77-ta për Zurich-un, e cila si vendas barazoi 1:1 me Luzernin. Sulmuesi Shkëlqim Demhasaj u inkuadrua tërë lojën, kurse Idriz Voca nga minuta e 65-të për Luzernin. Kryeziu u ndëshkua me karton të verdhë në fund të takimit. Armando Sadiku me Luganon në çastet e fundit pësuan humbje me 1:0 nga kampioni në fuqi Young Boys. Pajtim Kasami ka qenë trim i Sionit që barazoi me rezultat 2:2 me St. Gallenin! Kasami shënoi dy gola në minutën e 24-të e 55-të, e këtë të fundit pas asistimit të Ermir Lenjanit. Shqiptarët u paraqitën titullarë dhe u treguan mjaft të mirë. Për St. Gallenin shënuan Sierro (38’) e Bakayoko (64’).
Liga e Zvicrës
Thun-Grasshoppers 1:1
Lugano-Young Boys 0:1
Zurich-Luzern 1:1
Sion-St. Gallen 2:2
Xamax-Basel 0:2
Tabela
1. Young Boys 22 19 2 1 59
2. Basel 22 11 7 4 40
3. Thun 22 10 6 6 36
4. Zurich 22 7 8 7 29
5. St. Gallen 22 8 4 10 28
6. Sion 22 7 5 10 26
7. Luzern 22 8 2 12 26
8. Lugano 22 5 8 9 23
9. Xamax 22 4 7 11 19
10. Grasshoppers 22 5 3 14 18