Skuadrat e mëdha dhe të pasura të Evropës janë vënë në alarm nga skuadra franceze Lille.
Lille kanë vendosur që të pranojnë ofertat për sulmuesin anësor, Nicolas Pepe, i cili duket se do të largohet nga skuadra gjatë verës së ardhshme, shkruan ‘Telefoot’.
23 vjeçari ka tërhequr vëmendjen e Barcelonës, Bayern Munich e Manchester United, por edhe të shumë skuadrave të tjera.
Për lojtarin kanë arritur oferta tek klubi i Lille, që kanë përfshirë 70 milionë euro, nga skuadra të Superligës së Kinës.
Por, reprezentuesi i Bregut të Fildishtë ka refuzuar pagat e majme nga Kina, dhe është i vendosur të luaj në Evropë.
Lille e dinë se do ta humbin lojtarin së shpejti, sepse Pepe po pret për një ofertë të mirë nga top skuadrat evropiane në fund të këtij sezoni.