Derbi i qytetit të Geteborgut në Suedi është ndërprerë në pjesëlojën e dytë, për shkak të fishekzjarrëve dhe mjeteve tjera shpërthyese.
AIK dhe GAIs e kanë zhvilluar ndeshjen e parë pas shtatë vjetësh, por ajo nuk ka përfunduar, pasi tifozët kanë shkaktuar kaos të vërtetë, duke hedhur në fushë mjete shpërthyese dhe fishekzjarrë të shumtë, në mesin e të cilëve edhe një mjet shpërthyes i madhësisë së një kanaqeje.
Më së keqi në këtë kaos e ka presuar portieri i GAIS-it, Marko Johanson.
Një ‘traketë’ ka fluturuar në afërsi të tij e cila ka eksploduar, ndërsa portieri i pafat tash ka probleme me dëgjim. Pas këtij rasti futbollistët kanë refuzuar të kthehen në fushë.
“Koka më dhemb tmerrësisht, ende dëgjoj zhurma në vesh. Jam frikësuar shumë. Kur e kam parë që diçka e madhësisë së një kanaqeje po bie para meje, jam tmerruar. Asnjëherë nuk e kam përjetuar një gjë të tillë”, ka thënë portieri Johanson.
Dyshohet se tifozët mjetet piroteknike i kanë fshehur nën tribuna para fillimit të ndeshjes.
