Jose Mourinho është rikthyer të komentojë situatat e fundit në futboll.
Trajneri portugez i cili është i papunë, ka thënë se do dënohej me dënime të rënda sikurse t’i bënte veprimet e njëjta me Diego Simeonen dhe Mauricio Pochetinon.
Simeone kishte bërë një veprim të pahijshëm në ndeshjen e fituar 2:0 nga Atletico Madrid ndaj Juventusit në Ligën e Kampionëve, ndërsa Pochettino ishte konfrontuar me gjyqtarin Mike Dean në humbjen e fundit të Tottenham nga Burnley në udhëtim.
“A mund ta imagjinoni sikur ta bëja unë atë që e bëri Simeone?” pyeti Mourinho duke folur për Telegraph. “A mundeni? A mund ta imagjinoni? Sidoqoftë, unë jam i lumtur që ai është i tillë”, shtoi Mourinho.
“A mund ta imagjinoni sikur unë ta bëja atë që e bëri Pochettino? Imagjinojeni pasojat”, shtoi ai.