ORA 17:05 Skuadra e Partizani ka mbërritur me vonesë në stadium. Pritet me ovacione nga tifozët e kuq.
ORA 17:00 Një balonë me stemën e Partizanit po bën xhiro mbi stadiumin “Selman Stërmasi”. Kjo balonë nuk është pritur asapk mirë nga tifozët bardheblu të cilët kanë reaguar me vërshëllima.
Partizani është udhëtues në derbin e sotëm, kështu që mbështetja në stadium pritet të jetë më e vogël për të kuqtë. “Ultras Guerrils” janë organizuar dhe kanë nisur marshimin nga baza e tyre drejt stadiumit “Selman Stërmasi”.
Afro 1600 tifozë të kuq do të jenë të pranishëm në shkallët e stadiumit për të mbështetur skuadrën e tyre, në këtë përballje të zjarrtë.
Nuk mungojnë as logot e tifogrupit të kuq në tabelat e sinjalistikës rrugore. Një numër i konsiderueshëm policësh shoqëron “Ultras Guerrils” në marshimin e tyre, për të shmangur një përplasje të mundshme me tifozerinë rivale.
Tifozët e Partizanit kanë nisur futjen në stadium 1 orë e 30 minuta para startit të ndeshjes, për fat të mirë nuk janë rregjistruar incidente.
