Arber Zeneli tregoi një tjetër paraqitje impresive në Ligue 1 për Reimsin, derisa kjo e fundit arriti një barazim të rëndësishëm, 2-2, kundër Amiensit.
Ylli i Përfaqësueses së Kosovës luajti për 90 minuta, derisa pati impakt të madh në ndeshje.
Ai pati rol jashtëzakonisht të rëndësishëm në golin e parë të skuadrës së tij, duke depërtuar në zonë me një lëvizje briliante, para se të lansonte një krosim nga i cili shënoi Boulaye Dia.
Sidoqoftë, për shkak se krosimi pësoi një devijim të lehtë në rrugëtim, zyrtarisht asistimi i është llogaritur Alaixys Romaos.