Barcelona ka mposhtur Real Madridin për të dytën herë brenda pak ditësh.
Kjo padyshim se nuk i ka pëlqyer aspak Solarit, i cili asesi nuk po arrin ta këndell skuadrën e tij, drejtimin e të cilës e morri në fillim të këtij edicioni.
Ai u shpreh i zhgënjer me rezultatin, por shtoi se skuadra u mundua me të gjitha forcat.
“Luajtëm si ekip. Kjo më ka pëlqyer më së shumti. Patëm disa raste të mira dhe nuk i shfrytëzuam, e kjo na penalizoi. Në ndeshje si këto secilin rast duhet shfrytëzuar në maksimum”, shtoi spanjolli.
Derisa në pyetjen lidhur me Gareth Bale ai u shpreh: “Bale u mundua si i gjithë ekipi. Mos të harrojmë se kundërshtari ynë luajti shumë mirë në zonën defansive. Siç e ceka më lartë, nëse kemi bërë diçka mirë ishte loja e përbashkët dhe asesi individualiteti”, përfundoi ish lojtari i galaktikëve.
