Sulmuesi i kombëtares së Zvicrës, shqiptari nga Kosova, Albian Ajeti, shënoi për fitoren e Baselit me rezultat 3:1, në ndeshjen e javës së 23-të të Kampionatit të Zvicrës. Ajeti thelloi epërsinë 2:0 në minutën e 32-të, kur doli i vetmuar me portier dhe e kaloi edhe atë, duke e plasur topin në rrjetë. Golat për Baselin i realizuan: van Wolfswinkel (17'), Ajeti (32'), e Zuffi (83') dhe për mysafirët Rodrigues (89’).
Ajeti dhe Taulant Xhaka luajtën të plotë për Baselin, kurse Baseli renditet në vend të dytë me 43 pikë e Thun i treti me 36. Zurich si vendas dëshpëroi, pësoi humbje me 0:1 nga Lugano. Hekuran Kryeziu standard, kurse Benjamin Kololli luajti nga minuta e 46-të për Zurich-un dhe Armando Sadiku standard deri në minutën e 46-të për Luganon, por asistoi në golin e fitores që e shënoi Gerndt (30'). Kryeziu u ndëshkua me karton të verdhë. Xamax-i si mysafirë mundet me 3:0 nga St. Galleni. Kemal Ademi e Samir Ramizi u paraqitën standardë dhe Arbenit Xhemaili nga minuta e 46-të për Xamaxin. Ramizi u ndëshkua edhe me karton të verdhë.
Liga e Zvicrës
Basel –Thuni 3:1
St. Gallen-Xamax 3:0
Zurich-Lugano 0:1
Grasshoppers-Luzern 1:3
Young Boys-Sion 1:0
Tabela
1. Young Boys 23 20 2 1 62
2. Basel 23 12 7 4 43
3. Thun 23 10 6 7 36
4. St. Gallen 23 9 4 10 31
5. Zurich 23 7 8 8 29
6. Luzern 23 9 2 12 29
7. Sion 23 7 5 11 26
8. Lugano 23 6 8 9 26
9. Xamax 23 4 7 12 19
10. Grasshoppers 23 5 3 15 18